Gahzali

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
Gahzali

منتدى عائلة الغزالي


    أرقام ولها معنى باللهجة السوريه

    avatar
    Admin
    Admin

    عدد المساهمات : 12259
    تاريخ التسجيل : 14/02/2009

    أرقام ولها معنى باللهجة السوريه  Empty أرقام ولها معنى باللهجة السوريه

    مُساهمة  Admin الجمعة فبراير 26, 2021 7:25 pm

    تُرى لماذا ... هل تعلم أن ...

    للأرقام في العامية السورية إستخدامات مختلفة ومحددة جداً... على سبيل المثال:

    *الرقم (60) يستخدم فقط وحصرياً دوناً عن باقي الأرقام في الشتيمة مثل (ابن "60" كلب).. ومافي شي أبداً اسمه (ابن 50 كلب) ولا (ابن "70" كلب)، هيك بتجي من المصنع، 60 كلب فقط ..
    يستخدم رقم (60) كمان لوصف أسوأ مكان أو وجهة
    (انقلع ب (60) داهية).. وعمرو ما حد انقلع ب 80 داهية مثلاً. أو (60) صرماية ورى فلان.. مش 50 ولا 70 ولا اي عدد ثاني.

    *تستخدم في العامية (100 100) لوصف الحالة الجيدة. مثل (انا تمام يا معلم الحمدلله وكله "100 100")
    *اما (10) فتستخدم لوصف جودة الأشياء أو الأفعال. مثل (الشغل ممتاز 10 على 10) أو
    فتح عيونك 10 على 10 يعني انتبه.

    *يستخدم رقم (1000) تحديداً في التهنئة.
    مثلاً (1000 مبروك) مافي 100 مبروك مثلاً أو 500 مبروك

    *الرقم 600000، 600 ألف، يُقال صرت عايدلي هالقصة 600 ألف مرة أو صرت قايلك هالحكي 600 ألف مرة لايجوز نقول، صرت قايلك هالحكي نص مليون مرة، لازم 600 الف.

    *يستخدم رقم (7) في وصف ظاهرة غريبة جداً، وهي الحيرة الشديدة أو البحث المتواصل والمتعب عن شيء أو شخص ما. مثلاً ( والله يازلمي دخت ال(7) دوخات لحد ما لقيت بيت فلان أو هالغرض الخ... )، كما يستخدم رقم (7) للتعبير عن النوم العميق. مثلاً (ما رح يرد عليك شكله رايح ب "سابع" نومة) وأنه على أساس لو في سادس نومة كان قام عادي ورد! أو لصفة سيئة، هالشخص عامل السبعة وذمتا، لايجوز استخدام رقم آخر.
    أو لصفة جيدة، هالشخص مسبع الكارات ، ماحدا بقول متسع الكارات، و لا مخمس الكارات.
    أو لوصف شيء لايصدق حدوثه، من سابع المستحيلات، ماحد بقول من عاشر أو خامس.

    *أطول مدة زمنية في الكون هي (الساعتين )
    مثلاً (قعد يحكي "ساعتين" بنفس القصة !)،
    لك صرع .. . .. صرلو ساعتين ينق عليي،
    بينما اقصر مدة كلام هو اللي بنقوله في (كلمتين فقط) مثل ( هن "كلمتين" ورد غطاهن).

    *الشخص القلق بتلاقيه قاعد (يضرب أخماس بأسداس) وهي عملية حسابية معقدة جداً جداً.

      الوقت/التاريخ الآن هو الأربعاء أبريل 21, 2021 12:12 am